بسم اللة الرحمن الرحيم
رفقة
التقطني يا صديقى *** في الدروب الما بتجيبك
ودفئ حضنك بالأغاني *** كلما يضهب طريقك
وامسك الجمرة البتبرق *** بين رمادك وبين حريقك
وارفق الدمعة البتعرف *** شاسع الحزن البعيقك
ولو فضل في العمر خطوة *** وسع الأحلام واهرب منو ضيقك
**************************
لي براح في الشوق يتاوق *** في شبابيك غربة حبيبك
ويا أخي سيبك من متاهات *** في الخواطر والمشاوير التشات
**************************
يا اخي سيبك
هي ضلمة وانت عارف *** ضي بريقك
وبرضو عارف *** قبل ما تختار طريقك
ابقي واثق من رفيقك *** وامسك الجمرة البتبرق
بين رمادك وبين حريقك *** امسك الجمرة البتبرق
بين رمادك وبين حريقك *** مــــــــــيـــــــن رفيقك من رفيقك غير شجن اشواق ولوعة *** شحنة الحزن البصيبك
يا اخي سيبك *** وانت عارف سر عشقك
كلما اتخمر عتيقك *** مين رفيقك
يا اخي سيبك من سريقك ومن سليبك *** يا اخي سيبك
وابقي فتش عن طريقك *** يمكن الاحزان تسيبك
بلدى هيلا انا
بلداً هيلي نا..
دموعها.. دموعي نا..
أساها...أساي أنا..
ضميرها..ضميري نا..
كل آمالي نا..
السلام يملاها..يطلع من هنا..
و الحَمَام يتشابى!
****
تقدل طفلة حلوة و بين إيديها كتابا..
و الحبوبة تمسح بالحنين أثوابا..
و القمرية تصدح..تستريح دبابة..
و القطر القبيل يمشي و يشق الغابة..
البالمبو يفتح للقلوب أبوابا..
و النُقارة زي أم كيكي و الربٌابة.
****
البلد الحنين ..سميتو يُمٌة و يابا...
بين العالمين ..عزة و جمال و مهابة..
الحزن القديم ...تمطر تزيلو سحابة..
لا أطفال حزانى...لا نازحين و غلابة.
****
في العصرية ..شٌفع جارية لألعابا..
و الشاي في المغارب ذكرياتو صبابة..
أشجار التبلدي العامرة بالترحابا...
وأشجار النخيل..و قُدرتا الخلابة.
****
ناس من كل لون ..إتعمٌرت أنسابا
و النيل في الهجير...دوٌزن وتر أعصابا..
سمحة الدنيا..بيك..و بين إيدينا حبابا..
يانا أهل بلدنا و قُدرَتم غلاٌٌبة.
جسمى المنحول
جسمي المنحول براهُ جفاك يامليح الزي
*******
كيف حُبي يَحُل وفؤادي معاك يازينة الحيْ
حلمك ياجميل أنا داني رحول
تركني هواك بين ميت وحي
*******
كيف ليكَ وصول وسكونْنك فوق لي سِهيل وثُري
النوم مِن عيني دوام مفصُل
دموعي تَلاقي وتسرِفْ رَي
*******
دي السِّاحره عقولْ بروقْ في غيم ولاّ دُر في لُمي
خدودَك أم أزهار في حِقُول
سَقَاني غَرامِنْ صافي حُمي
*******
الطرفُه وقُول أحوَر متناعس ولحظُه صُحي
تشوف في قوامه المال مَفقُل
الظُلمه شعورُ والقمرهَ مُحي
*******
أنا دمعي هَطُول أحَن لي لَماكَ وقاسَي عَلىْ
يصَح في هواك تعذيبي يطول يالبين أترابك لآهي خُلي
*******
مِن رِدفُه كَسول بِي جيدهُ وعينُه يسبي ظُبي
بالشوق يانسيم أبقالي رَسُول
لويعطف ثانية يزيل البَي
ماذنبى
ما ذنبي يوم ما لقيت الوالدين جنبي
وروني ما إثمي .. ياما إنتحل جسمي
لا بيت ولا إسمي .. يا خالي يا عمي
من دمكم دمي
تأملوا رسمي
تلقوا الشبه فيني
لو ألقي حبوبه أمسك طرف توبة
أنعس تحجيني
أبرد تدفيني
المدرسة الشارع .. خبزاً يكفيني
يا بابا حصلني .. يا ماما ألفيني
تاتيني مشيني
تاتي .. تاتي
لي ماما وديني ولي بابا غشيني
أوعك تغشيني .. أوعك تغـُشيني
الملعقة أتكسرت .. أنا مين بعشيني
********
الطيف
هيي القليل يا طيف القليل وأرجانى
وين فايتني عابر شن حارس وراك انا تاني أياني
معاك مسافر وين وين حتي الطيف رحل خلاني ما
طيب لي خاطر
**********************************
الليله ما عارف العلي تراني تراني فوق كرعيني ساير
أسكت أسوي في أوزاني أشعار مالا أخر وين حتي
الطيف رحل خلاني ما طيب لي خاطر
أما النوم أبا وجافاني وأصبح داجي ساهر وين وين
حتي الطيف رحل خلاني ما طيب لي خاطر
*****************************************
هيي الليله شوف الليلة كيف بستاني دا الكان باشي
باضر من حر السموم طيرو يفر يهاجر وين حتي
الطيف رحل خلاني ما طيب لي خاطر
(عيدروس)
